fbpx
რევიუ,  სასტუმრო,  ხორვატია

ჰოსტელი 101 დალმატინელი სპლიტში (რევიუ)

ხორვატიის სანაპირო ქალაქ სპლიტში დასარჩენად, ჰოსტელი 101 დალმატინელი კომფორტული, მეგობრული და სასიამოვნო ადგილია. მას განსაკუთრებულს ხდის დიზაინი, რომელიც დალმაციის რეგიონის დეტალების კონცეფციაზეა აგებული.

101 Dalmatian Hostel

ჰოსტელი 101 დალმატინელი მდებარეობს 114 ბრიგადეს 10-ში (114 Brigade 10)  და ქალაქის ცენტრს მარტივად უკავშირდება 5 სხვადასხვა საავტობუსო ხაზით, რომლებიც სამუშაო დღეებში რამდენიმე წუთში ერთხელ დადიან. ჰოსტელის მიმდებარე ტერიტორია საკმაოდ მშვიდია და იქვე გვერდზე არის უზარმაზარი ჰიპერმარკეტი.

101 Dalmatian Hostel

შენობას აქვს კონდიცირების სიტემით აღჭურვილი 19 ოთახი და 101 საწოლი, რომლებიც განასახიერებენ ხორვატიის სანაპიროს კუნძულებს. ჩემთვის საკმაოდ გასაკვირი იყო ფაქტი, რომ ყველა ექვსკაციან ოთახს დამოუკიდებელი აბაზანა და ტუალეტი ჰქონდა.

ჩვეულებრივ, ჰოსტელების უმრავლესობაში, სადაც კი დავრჩენილვარ, სააბაზანო და ტუალეტი საერთოა ხოლმე ყველასთვის. ამასთანავე, ჩვენ ხორვატიაში საკმაოდ გადატვირთულ პერიოდში ვიმოგზაურეთ და ჰოსტელი არ იყო სრულად სავსე და ოთახში მხოლოდ ჩვენ გვეძინა!

101 Dalmatian Hostel

ჩვენი იქ ყოფნის განმავლობაში შევამჩნიეთ, რომ დამლაგებლები ყოველ დღე ასუფთავებდნენ და ცვლიდნენ თეთრეულს. ჰოსტელი, როგორც იტყვიან, გაწკრიალებულია და თეთრეულიცა და პირსახოცებიც ქათქათებენ.

101 Dalmatian Hostel

თუკი საერთო საცხოვრებლის ტიპის ოთახები არ მოგწონს, ჰოსტელში ცალკე ოთახებიც აქვთ. 

101 Dalmatian Hostel

ჰოსტელი 101 დალმატინელის ტერიტორიაზე არის კაფე და პატარა ბაღი, სადაც შეგიძლია გემრიელად ისაუზმო. საკვები და სასმელები საკმაოდ გონივრული ფასი ღირს. მაგალითად, საუზმე ერთ ადამიანზე 12.17₾ (30 ხორვატული კუნა) ღირს. აქვე შეგიძლია შეუკვეთო სენდვიჩი, ტოსტი, ომლეტი, პიცა და ა.შ.

101 Dalmatian Hostel

მორიგი დადებითი დეტალი არის ის, რომ ჰოსტელში არის საერთო სივრცე კომფორტული, რბილი ავეჯით, სავარძლებით, დიდი ტელევზორით, სათამაშო მოედნით, ლეპტოპებითა და მაცივრით. თუმცა არ არის ისეთი სამზარეულო, სადაც შენით შეძლებ საუზმის მომზადებას. მაგრამ ყოველთვის შეგიძლია ჩაისა და ყავისთვის აადუღო წყალი.

101 Dalmatian Hostel

მომსახურე პერსონალი ძალიან მეგობრულია და ნებისმიერ დროს მზად არიან დაგეხმარონ. საუბრობენ ინგლისურად და სიხარულით აგიხსნან რისი ნახვა სჯობს ქალაქში. ასევე შეგიძლია ჰკითხოთ, თუ სად არის არახალხმრავალი სანაპიროები სპლიტში და რომელია ადგლობრივი კერძებით ცნობილი ბიუჯეტური რესტორნები. 

101 Dalmatian Hostel

შენიშვნა: მე ჰოსტელის სტუმარი ვიყავი, მაგრამ ყველა აზრი სიმართლეს შეესაბამება

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.