რა ვნახოთ სტამბოლში თუ დრო ცოტა გვაქვს?

0
168
views
Things to do in Istanbul

ტამბოლში ორჯერ პრეს ტურზე და ერთხელ ფრენებს შორის დიდხნიანი გაჩერების გამო ვარ ნამყოფი. სტამბოლში სანახავი ადგილი უამრავია, და როგორც ჩემი მეუღლე, ოთო, მეუბნება (ოთო სტამბოლში რამდენიმე თვე ცხოვრობდა), ქალაქის ბოლომდე აღსაქმელად მინიმუმ ორი კვირა მაინც გჭრდება.

სტამბოლი ცენტრალური ქალაქია მათთვის ვინც დასავლეთიდან აღმოსავლეთისკენ მგზავრობს, ან პირიქით. ხშირად, ფრენებს შორის დიდი დროა და სტამბოლის ნახვასაც ვახერხვებთ. ამიტომ, ნუ გაჩერდები აეროპორტში თუნდაც იმიტომ, რომ დრო ცოტა გაქვს. ამ პოსტის დახმარებით, მაინც მოახერხებ მთავარი ღირსშესანიშნავი ადგილების მონახულებას.

სტამბოლი ერთადერთი ქალაქია რომელიც მდებარეობს ევროპაშიც და აზიაშიც. გარდა ამისა, აქ ნახავთ როგორც თანამედროვე არქიტექტურას ისე უძველეს შენობებს.

ქალაქის დათვალიერების ყველაზე კარგი საშუალება მის ქუჩებში სეირნობაა. ქალაქის დათვალიერება დილით ადრევე დაიწყე, ნუ მოლას პირველივე ლოცვაზე შეგიძლია არ ადგე, მაგრამ საკმაოდ ადრე იმისათვის, რომ ცნობილი თურქული საუზმე დააგემოვნო.

ბორანი სტამბოლში მოგზაურობის აუცილებელი ნაწილია. იგი არა მხოლოდ სატრანსპორტო საშუალებაა, რომელიც ერთი ადგილიდან მეორეში მიგიყვანს, არამედ იგი სტამბოლის ერთ-ერთი ღირშესანიშნაობად ითვლება. სრული ეფექტისთვის ტიტის ფორმის ჭიქაში ჩამოსხმული ჩაი და ყველის გემრიელი სენდვიჩი ბორანზე აუცილებლად უნდა გასინჯო.

იაფი ფრენები სტამბოლისკენ 

როდის წავიდეთ სტამბოლში?

სტამბოლს თითქმის ყველა ზაფხულობით სტუმრობს. თუმცა გაითვალისწინე, რომ ზაფხული აქ ტენიანი და საკმაოდ ცხელია, ამიტომ ყველაზე კარგი პერიოდი გაზაფხული და შემოდგომაა, ამ პერიოდში ტურისტიც ნაკლებია. ჩემი ორივე ვიზიტი ამ პერიოდს დაემთხვა. ამინდი მზიანი და თბილი იყო, საღამოობით კი ოდნავ გრილოდა.

თუ უფრო დაბალბიუჯეტური მოგზაურობის დაგეგმვა გინდა, მაშინ სტამბოლს ზამთარში ეწვიე. სასტუმროებისა და ბინების ფასები საგრძნობლად დაბალია. თოვლით დაფარული სტამბოლიც დარწმუნებული ვარ ძალიან ლამაზი სანახავი იქნება.

ქალაქი ორ ნაწილადაა გაყოფილი – ევროპული მხარე ისტორიული ცენტრია, ხოლო თუ ადგილობრივი ადათ-წესების გაცნობა გინდა აზიურ მხარეს უნდა ეწვიო. ევროპულ მხარეს მდებარე ძველი ქალაქი ტურისტული ღირსშესანიშნავი ადგილებით იწონებს თავს. აქ ბევრი სხვადასხვა კულტურის გავლენა იგრძნობა. მაგალითად, უბან ფატიზე მდებარეობს რომაული იპოდრომი, რომელიც ეტლებით რბოლისთვის გამოიყენებოდა და  ეგვიპტური ობელისკი.

ჩემი ბოლო ვიზიტი სტამბოლში

დააგემოვნე თურქული საუზმე

თურქული საუზმე გრანდიოზულია. შეხედე სურათს! თურქული საუზმე ნამრვილად გამოირჩევა მრავალფეროვნებით. ეს ტიპიური თურქული საუზმეა, რომელშიც შედის პური, ყველი, ზეთისხილი, კარაქი, თაფლი, ჯემი და კვერცხი. გარდა ამისა, ტრადიციული თურქული კერძების დაგემოვნება შეგიძლია.

მაგალითად, მენემენი (შემწვარი კვერცხი გახეხილ ხახვთამ, ბულგარულ წიწაკასთან და პომიდორთან ერთად), ბორექი (‘ხაჭაპურის’ მსგავსი ცომეული რომელსაც სხვადასხვა შიგთავსი აქვს), ან სიმითი (იგივე ‘ბუბლიკი’). ბოლო ორი კერძი ჩემი ფავორიტია!

გასინჯე თევზის სენდვიჩი

სტამბოლში აუცილებლად უნდა გასინჯო თევზის სენდვიჩი (Balik Ekmek). პურში ჩადებული გრილზე ან უბრალოდ გასქურაზე შემწვარ თევზის ფილე ბოსტნეულთან ერთად, ერთ-ერთი ყველაზე პოპულარული ‘ქუჩის საკვებია’ სტამბოლში.

რა ვნახოთ სტამბოლში

აია სოფიას ტაძარი

რა ვნახოთ სტამბოლში. აია სოფია

აია სოფია თავდაპირველად ბიზანტიური მართლმადიდებლური ეკლესია იყო, რომელიც ოსმალთა ბატონობის დროს მეჩეთად გადაკეთდა. ამჟამად კი – მუზეუმია.

55 მეტრის სიმაღლის გუმბათიანი ტაძარი ხშირად მსოფლოს მერვე საცრებად მოიხსენიება. აქ ნახავ მარიამ ღვთისმშობლის, მაცხოვრისა და ბიზანტიის მმართველთა მოზაიკურ ფრესკებს.

ტაძარს უამრავი ტურისტი სტუმრობს, ამიტომ აქ მუდამ ხალხმრავლობაა. ყველაზე კარგი დრო ტაძრის მონახულებისთვის დილაა.

ლურჯი მეჩეთი

ლურჯი მეჩეთი (სულთან აჰმედის მეჩეთი) აია სოფიას ტაძართან ახლოს მდებარეობს. მას ლურჯი მეჩეთი ინტერიერში გამოყენებული ლურჯი ფილების გამო დაერქვა.

სულეიმან I ბრძანებით აშენებული მეჩეთი ისლამური არქიტექტურის განუმეორებელი ნიმუშია. მისი ოთხი მინარეთი და ათი აივანი იმ ფაქტს ასახავს რომ სულეიმანი ოსმალეთის დინასტიის მეოთხე, ხოლო იმპერიის ჩამოყალიბებიდან მე-10 სულთანი იყო.

მეჩეთში დღემდე მიმდინარეობს ყოველდღიური ლოცვა, რომლის დროსაც იგი ვიზიტორებისთვის იკეტება. ლოდინი არც ისე ხანგრძლივია. მისი სილამაზე კი დალოდებად ნამდვილად ღირს.

ტაძარში შესვლისას ქალმა თავსაფარი უნდა დაიფაროს და შიშველი კანი დაფაროს. გაითვალისწინე რომ შესვლამდე ფეხზეც უნდა გაიხადო და ფეხსაცმელი სპეციალურ  თაროზე შემოდო.

თოფქაფის სასახლე

კიდევ ერთი მნიშვნელოვანი ადგილი თოფქაფის სასახლეა, რომელიც უამრავი მცირე ზომის შენობისგან და ოთხი მოედნისგან შედგება. აქ მრავლადაა მუზეუმებიც, ამიტომ მის მოსანახულებლად ნახევარი დღე მაინც დაგჭირდება.

აქედან ბოსფორი სრუტის ულამაზესი ხედებითაც შეგიძლია დატკბე.

გრანდ ბაზარი

საკმაოდ ქაოტური, მაგრამ ჯერ კიდევ ფერადი ბაზარი საუკუნეების მანძილზე დიდი სავაჭრო ცენტრი იყო. მისი ისტორია 1461 წლიდან, პატარა საწყობიდან დაიწყო და დროთა განმავლობაში გაფართოვდა.

თურქებს მომსახურების სერვისი მაღალ დონეზე აქვთ. ნებისმიერი ვაჭარი გამვლელს ჩაისა და ტკბილეულს სთავაზობს. თუ რაიმეს შეძენას გადაწყვეტ, გახსოვდეს რომ აქ ყველას უნდა ევაჭრო. არასდროს გადაიხადო ის ფასი რასაც ვაჭარი თავდაპირველად გეტყვის!

გალათას კოშკი

სტამბოლის ერთერთი მნიშნელოვანი ღირსშესანიშნავი ადგილი გალათას კოშკია. შუასაუკუნეების დროინდელი ქვის კოშკი 66.90 მეტრის სიმაღლისაა, ცილინდრის ფორმა და კონუსის ფორმის სახურავი აქვს საიდანაც სტამბოლის ნახევარკუნძულის განსაცვიფრებელი ხედი იშლება.

ზემოთ ასასვლელად შეგიძლია ლიფტით ახვიდე. აქ რესტორანიცაა თუ ლამაზი ხედის ფონზე სადილობა ან უბრალოდ თურქული ყავის დალევა მოინდომე. გადასახედზე გასულს უამრავი ტურისტი გეჩეხება, რომელიც ‘ენ რაოდენობის’ ფოტოს იღებს თავისი ‘სელფი’ ჯოხით. გასასვლელი ვიწროა, შესაბამისად ამდენი ვიზიტორის ფონზე წესიერად ვერ ტკბები იმ ლამაზი ხედით რომელზეც ბევრი ტურისტული გზამკვლევი წერს.

თაქსიმის მოედანი და ისტიკლალის გამზირი

თაქსიმი სტამბოლის ერთ-ერთი ყველაზე ტურისტული ადგილია, სადაც უამრავი კაფე, რესტორანი და ცნობილი, წითელი, ტრამვაის ხაზი გადის. სახელი თაქსიმი (ქართულად ‘განშტოება’) მას იმ მიზეზით ეწოდა, რომ აქედან, ქალაქის მთვარი წყალგაყვანილობა, სტამბოლის სხვა უფნებში ნაწილდებოდა.

სამწუხაროდ, ჩემი ბოლო ვიზიტის დროს ტრამვაის ხაზს არემონტებდნენ და მგზავრობა ვერ მოვახერხე.

წმ. ანტონის ეკლესია

ისტიკლალის გამზირზე სეირნობის დროს, აუცილებლად ნახე ვენეციური ნეო-გოთიკურ სტილში აშენებეული ეკლესია. იგი თურმე სტამბოლის ყველაზე მნიშნელოვანი კათოლიკური ეკლესიაა.

მიუხედავად იმისა რომ სტამბოლის ძალიან მცირე ნაწილი ვნახე, მის ქუჩებში ხეტიალით მაინც კმაყოფილი ვარ.

LEAVE A REPLY

Please enter your comment!
Please enter your name here

CommentLuv badge