fbpx
  • თურქეთი

    ანკარა – აღმოაჩინე თურქეთის დედაქალაქი

    თურქეთის სხვა ქალაქებთან შედარებით, შესაძლოა, ანკარა სულაც არ იყოს პოპულარული მიმართულება ტურისტებისთვის. გაცილებით მეტი ვიზიტორი ჩადის სტამბოლში, რაც ჩემთვის სრულიად გასაგებია, რადგან ის ჩემთვისაც ერთ-ერთი ყველაზე საყვარელი ქალაქია, სადაც მიმოგზაურია. მუდამ მოფუსფუსე სტამბულისგან განსხვავებით, დედაქალაქში სრულიად სხვაგვარი არქიტექტურა, ხალხი და ღირსშესანიშნავი ადგილებია. ბევრი რომ აღარ გავაგრძელო, წარმოგიდგენთ ანკარაში 3-დღიანი მოგზაურობისთვის ზედგამოჭრილ აქტივობებს. საერთოდ ღირს ანკარაში წასვლა? ანკარა უძველესი ქალაქია და შესაბამისად აქ გადააწყდები რომაული, ბიზანტიური, ელინისტური და ოსმალური ტიპის არქიტექტურასა და ამ პერიოდების შესაბამის არქეოლოგიურ ღირსშესანიშნავ ადგილებს. კლდოვან გორაზე გადაშლილი ისტორიულად ცენტრალური ადგილი საუკეთესოდ წარმოსახავს ოსმალების ბატონობის პერიოდის არქიტექტურას, რომელშიც რომაული პერიოდის ძეგლებია შეზავებული – ავგუსტუსის ტაძარი და ქრ. შობამდე XX საუკუნით დათარიღებული რომაული აბანოები. შესაბამისად, ისტორიისმოყვარულთათვის ანკარა ზედგამოჭრილი ადგილია.…

  • თურქეთი

    კაპადოკია – როგორ დავგეგმოთ მოგზაურობა კაბადოკიაში ჩვენით

    თურქეთის მასშტაბით ყველაზე მონახულებად ადგილებს შორის სტამბოლის შემდეგ კაპადოკია (ქართულად რატომღაც “კაბადოკია”-დ მოიხსენიება) მეორე ადგილზეა და მოდით, მიზეზს ნუ იკითხავთ. ეს ერთ-ერთი ყველაზე ჯადოსნური ადგილია, სადაც კი ოდესმე ვყოფილვარ. ვულკანური მწვერვალების ფონზე აფრენილი ფერადი აეროსტატები (საჰაერო ბუშტები) ნამდვილად ძალიან ამაღელვებელი სანახაობაა! იმის მიუხედავად, რომ ბევრი მოგზაური სწორედ აეროსტატით საფრენად ჩამოდის კაპადოკიაში, აქ სხვა გაცილებით მეტი რამის გაკეთებაცაა შესაძლებელი. კაპადოკიის ტურების უამრავი რეკლამა და შემოთავაზება მინახავს, მაგრამ მე ისევ და ისევ, თვითორგანიზებულ ტურს ვუწევ რეკომენდაციას. სრულიად სხვაგვარი შეგრძნება გექნება, როდესაც ტურში სხვა ადამიანებთან ერთად იქნები. ეს დეტალური სამოგზაურო პოსტი კი დაგეხმარება შენი ტურის სწორად დაგეგმვაში.   სად მდებარეობს კაპადოკია? კაპადოკია, ისტორიული რეგიონი ცენტრალურ ანატოლიაში, მოიცავს ნევშეჰირის, ქირშეჰირის, ქაისერის, ნიიდეს და აქსარაის…

  • ესპანეთი

    რა ვნახოთ ბარსელონაში ბიუჯეტურად

    კატალონიის რეგიონის დედაქალაქი ბარსელონა, დანამდვილებით არის ესპანეთში ერთ-ერთი ყველაზე პოპულარული დანიშნულების ადგილი, რომელიც სრულიად იმსახურებს ამ ყურადღებას თავისი გამაოგნებელი არქიტექტურით, მხატვრული ხედებით, მუზეუმებითა და მსოფლიოში განთქმული ხელოვანებით. ქალაქი თითქოს ღიაცისქვეშა მუზეუმია, სადაც ძალიან ყურადღებით უნდა იყო თითოეული ნაბიჯის გადადგმისას, რომ შემთხვევით რაღაც ძალიან უნიკალური და მშვენიერი არ გამოგეპაროს. მაშ ასე, რა ვნახოთ ბარსელონაში ბიუჯეტურად? აქ წაიკითხავ რჩევების ჩამონათვალსა და რეკომენდაციებს, თუ რა უნდა ნახო ბარსელონაში მცირე ბიუჯეტით. ამ მოგზაურობისას ჩემს ინტერნეტკავშირს უზრუნველჰყოფდა ბილაინი. სულ რაღაც 1GB როუმინგ ინტერნეტი სრულიად საკამარისი იყო ესპანეთში გადასაადგილებლად და ჩემთვის სასურველი ადგილების საპოვნად. ამას გარდა, ინტერნეტ პაკეტის შეძენისას, GPI-ს 14 დღიან სამოგზაურო დაზღვევას საჩუქრად მიიღებ. ბარსელონას ტრანსპორტი სანამ უშუალოდ ბარსელონაში გადაადგილებაზე დავიწყებდე ლაპარაკს, მანამდე აუცილებლად…

  • საქართველო

    სიღნაღი – რა ვნახოთ ერთ დღეში

    კახეთში მდებარე ეს პატარა ქალაქი იდეალური ვარიანტია თბილისთან ახლოს ერთდღიანი ტურის დასაგეგმად. ვიწრო, მოკირწყლული ქუჩები, ფერადი სახლები და ხის აივნები ბევრ ტურისტსაც იზიდავს. დამრეც ფერდობზე მდებარეობის გამო, ალაზნის ველსა და მის უკან მდებარე კავკასიონის მთებზე საოცარი ხედი იშლება. მიუხედავად იმისა, რომ სიღნაღი მართლაც პატარა ქალაქია, საკმაო რეკომენდაციები მაქვს იმაზე, თუ რა ვნახოთ სიღნაღში მთელი დღის განმავლობაში.  როგორ მოვხვდეთ სიღნაღში? თბილისიდან სიღნაღამდე მოხვედრა საკმაოდ მარტივია. მინი-ვენები და სამარშრუტო ტაქსები ისნიდან და ნავთლუღიდან დღეში რამდენჯერმე გადის. თუ უფრო კომფორტული მგზავრობა გსურთ, მაშინ შეგიძლია ისნის მეტროსთან იქირავოთ ტაქსი, რომელიც კახეთის სხვადასხვა ქალაქს გაივლის. შეგიძლიათ სხვა მგზავრებს დაელოდო, ან თავად გადაიხადო მგზავრობის მთელი საფასური. სიღნაღის მოკლე ისტორია სიღნაღი საქართველოს ერთ-ერთი უძველესი დასახლებაა, რომელმაც ქალაქის…

  • საქართველო

    ბათუმი და აჭარის ღირსშესანიშნაობები – სრული მეგზური

    ბათუმი აჭარის რეგიონის მთავარი ქალაქი და შავი ზღვის სანაპიროს გამორჩეული სამკაულია. უკანასკნელ ათწლეულში ქალაქი ინფრასტრუქტურულად ძალიან სწრაფად ვითარდებოდა და შედეგად აქ გადაეყრები უამრავ ძველ და ახალ არქიტექტურულ ძეგლს, ძვირადღირებულ სასტუმროს, რესტორანს და აუცილებლად სანახავ ღირსშესანიშნაობებს. საერთაშორისო ბრენდის სასტუმროებისა და კაზინოების სიმრავლის გამო ბათუმს ,,შავი ზღვის ლას ვეგასსაც“ ეძახიან. აქ უამრავი ადგილობრივი ისვენებს ზაფხულობით და მეზობელი ქვეყნებიდან მოგზაურებიც აუცილებლად გამოივლიან ხოლმე. ამ მეგზურში იპოვით ბევრ რამეს, რისი ნახვაც ბათუმსა და მთლიანად აჭარის რეგიონში შეგიძლია. აჭარის რეგიონი საქართველოში ავტონომიური დამოუკიდებელი რესპუბლიკის სტატუსით სარგებლობს. აქ გასაოცრად ერწყმის ერთმანეთს მთა და ზღვა. ზემო აჭარა სრულიად სხვა სამყაროა ბათუმთან და რეგიონის დაბლობ ნაწილებთან შედარებით. ეს საუკეთესო ადგილია მიტოვებული და თითქმის ხელშეუხებელი ადგილების მოყვარულთათვის. როგორ მოხვდეთ…

  • უკრაინა

    რა ვნახოთ ოდესაში, უკრაინა

    ეს ,,შავი ზღვის მარგალიტად“ წოდებული, ისტორიითა და კულტურით მდიდარი ქალაქი ბევრ საინტერესო, სანახობრივ,  გასართობ ალტერნატივას გვთავაზობს და ნებისმიერი ტიპის მოგზაურის ინტერესს აკმაყოფილებს. მაშ ასე, რა ვნახოთ ოდესაში? უკრაინის ყველაზე დასახლებულ ქალაქებს შორის რიგით მესამე ქალაქი ოდესა, ადგილობრივებისა და მეზობელი ქვეყნების მოქალაქეებისთვის ერთ-ერთ საყვარელ საზღვაო დასასვენებელ ადგილს წარმოადგენს. სანამ ოდესას ქალაქის სტატუსი მიენიჭებოდა, აქ ანტიკური ხანის ბერძნული დასახლება იყო. სახელის ფესვებიც ბერძნული წარმოშობისაა – ,,ოდესოსი“ – რომელიც შეცდომით ამ ტერიტორიაზე ეგონათ განლაგებული. 1794 წელს რუსეთის იმპერიის მმართველმა დედოფალმა ეკატერინე II-მ ოდესას ოფიციალურად მიანიჭა ქალაქის სტატუსი. მე-19 საუკუნეში მოსკოვის, ვარშავისა და სანქტ-პეტერბურგის შემდეგ ოდესა იკავებდა მეოთხე ადგილს რუსეთის იმპერიის ყველაზე დიდი ქალაქების სიაში. ამ ყველაფრის გათვალისწინებთ გასაკვირია, მაგრამ ქალაქის არქიტექტურა სულაც არ…

  • Free things to do in Budapest
    უნგრეთი

    13 უფასო და 6 იაფი რამ, რაც შეგიძლია ბუდაპეშტში გააკეთო

    უნგრეთის დედაქალაქი ბუდაპეშტი ქვეყნის ყველაზე დასახლებულ და ევროკავშირში ერთ-ერთ უდიდეს ქალაქად ითვლება. დედაქალაქი 1873 წელს ჩამოყალიბდა, როდესაც მდინარე დუნაის ორ მხარეს განლაგებული უნგრეთის ქალაქები ბუდა, ობუდა და პეშტი გაერთიანდა. რა ვნახოთ ბუდაპეშტში? ეს პოსტი ზედგამოჭრილია შენთვის თუკი სახალისო, უფასო და იაფიანი აქტივობებისა და შესაძლებლობების ვარიანტებს ეძებ უნგრეთის დედაქალაქში მოგზაურობისას. რა ვნახოთ ბუდაპეშტში უფასოდ იუნესკოს მსოფლიო მემკვიდრეობის ძეგლთა სიაში შესული ქალაქი ბუდაპეშტი, ერთ-ერთი ყველაზე ლამაზი ქალაქია ევროპაში. ის წარმოადგენს საინტერესო ისტორიისა და ნათელი, თანამედროვე არტისტული სტილების ნაერთს. ბუდაპეშტში ერთმანეთს ენაცვლება ისტორიული, სიმბოლური ადგილები, მუზეუმები, უმშვენიერესი პარკები და ძალიან პოპულარული ნანგრევების ბარები. ქალაქი არავითარ შემთხვევაში არ დაგტოვებს უკმაყოფილოს. ბუდაპეშტში ყველაზე მნიშვნელოვანი დასათვალიერებელი ადგილები ერთმანეთისგან საფეხმავლო დისტანციაზეა და როგორც კი ქალაქის ცენტრში მოხვდები,…

  • ხორვატია

    ტოპ 7 რამ, რაც შეგიძლია გააკეთო კუნძულ კორჩულაზე

    კუნძული კორჩულა კულტურული და ბუნებრივი მემკვიდრეობის ერთ დიდ მთლიანობას წარმოადგენს, მაგრამ მისი მთავარი საგანძური მაინც ქალაქი კორჩულაა. ლეგენდის მიხედვით, კორჩულა აღმოაჩინა ტროადან გამოქცეულმა ბერძენმა გმირმა ანტენორმა. აქედან გამომდინარე, კორჩულას ძველი ქალაქი ერთ-ერთი საუკეთესო მაგალითია ციხე-სიმაგრის ტიპის შუასაუკუნეების ხმელთაშუაზღვისპირული დასახლების და მას ადგილობრივებიც და დამთვალიერებლებიც ხშირად ,,მინი დუბროვნიკს“ ეძახიან. მაშ ასე, გაინტერესებს რა ვნახოთ კორჩულაზე? როგორ მოხვდე კუნძულ კორჩულაზე აქ მოხვედრა სულაც არ არის რთული. დუბროვნიკიდან, ჰვარიდან, ბრაჩიდან და სპლიტიდან საკმაოდ ხშირად დადიან სამგზავრო და მანქანის გადამტანი ბორნები. რადგან ჩვენ ჩვენი ხორვატიული მოგზაურობა დუბროვნიკიდან დავიწყეთ, ამიტომ კორჩულაშიც სწორედ ამ ქალაქიდან მოვხვდით. თუმცა, გასათვალისწინებელია რომ არასეზონსა და სეზონის მიწურულს საბორნე ხაზები ლიმიტირებულია. ზაფხულსა და გადატვირთულ სეზონზე უფრო აქტიურია მიმოსვლა. ოქტომბერში დუბროვნიკიდან კორჩულაში…

  • ხორვატია

    12 რამ, რაც შეგიძლია გააკეთო ზაგრებში, ხორვატია

    ხორვატიის დედაქალაქი ზაგრები ტურისტებისთვის ისეთივე პოპულარული მიმართულება არ არის, როგორც დუბროვნიკი, სპლიტი, პლიტვიცეს ეროვნული პარკი ან ხორვატიის კუნძულები. ზაგრები არაფრით ჩამოუვარდება მათ და აუცილებლად სანახავ ქალაქებს შორისაა მისი ადგილი. მეტიც, ის ყველაზე იაფი ქალაქია მთელს ქვეყანაში! არადა, ჩვეულებრივ, პირიქითაა ხოლმე და დედაქალაქი ყველაზე ძვირი ადგილია მთელ ქვეყანაში. უამრავი რამის გაკეთება შეიძლება ზაგრებში. საინტერესო კულტურის გაცნობა, ისტორიული, ანტიკური პერიოდის ღირსშესანიშნავი ადგილების, ლამაზი კათედრალებისა  და მსოფლიოში ცნობილი ,,დამსხვრეული ურთიერთობების მუზეუმის“ დათვალიერება. ზაგრებში სანახავი ადგილების უმრავლესობა უფასოა ან ბილეთის ფასი საკმაოდ იაფია. ქალაქი ორ – ზედა და ქვედა – ნაწილადაა დაყოფილი და ორივე მათგანის დათვალიერება არანაირ სირთულეს წარმოადგენს. იქიდან გამომდინარე, რომ ზაგრებში ატრაქციები ერთმანეთთან დაკავშირებულია, შეგიძლია მარტივად გადაადგილდე მათ შორის, საზოგადოებრივი ტრანსპორტის გამოყენების…

  • ხორვატია

    12 რამ, რაც შეგიძლია გააკეთო ზადარში, ხორვატია

    შესაძლოა, წლების განმავლობაში ზადარი არ იყო ისეთივე პოპულარული ტურისტული დანიშნულების ადგილი, როგორც სპლიტი, დუბროვნიკი, ზაგრები ან ხორვატიის კუძულები და შესაბამისად შედარებით ცოტა დამთვალიერებელი სტუმრობდა, მაგრამ ეს ფაქტი ნელ-ნელა იცვლება. რა ვნახოთ ზადარში? ქალაქში ნამდვილად არის ულამაზესი და ისტორიული ღირსშესანიშვავი ადგილები, რომლებიც არავითარ შემთხვევაში არ უნდა გამოტოვო. როგორ მოვხვდეთ ზადარში ზადარში მარტივად მოხვდებით მიწის, საჰაერო და წყლის ტრანსპორტით. არჩევანი თქვენზეა: ავტობუსები, იაფი ფრენები თუ ბორანები ქვეყნის სხვადასხვა საკვანძო ადგილებიდან. ჩვენ ტროგირიდან ზადარამდე ავტობუსით ვიმგზავრეთ 73 კუნად (= €9.80 = $12.07 ერთ ადამიანზე). ბილეთები იქვე, ტროგირში, ავტობუსის გაჩერებაზე ვიყიდეთ. თითქმის ყველა მნიშვნელოვანი ადგილი, რაც უნდა ინახულოთ ზადარში მდებარეობს ძველ ქალაქში, სადაც მოხვდებით ქალქის თანამედროვე ნაწილიდან საფეხმავლო ხიდზე გადასვლით. ეს ქალაქი სპლიტთან და…

  • ხორვატია

    აღმოაჩინე ხორვატიის პატარა ქალაქი ტროგირი

    ტროგირი – ისტორიული სანავსადგურო ქალაქი, რომელიც მდებარეობს დალმაციის სანაპიროზე, ერთ-ერთია იმ მშვენიერ ქალაქებს შორის, რომელიც ხორვატიაში მოვინახულეთ. იუნესკოს მსოფლიო მემკვიდრეობის ძეგლთა სიაში შესული და საუკეთესოდ შემონახული შუა საუკუნეების ევროპული ქალაქი ძალიან კარგი ვარიანტია ხორვატიის ქალაქ სპლიტიდან ერთდღიანი მოგზაურობისთვის. ქალაქი ბევრი ღირსშესანიშნავი ადგილით არ გამოირჩევა, თუმცა მისი სილამაზე მაინც ხიბლავს და იზიდავს ვიზიტორებს. მაინც რა ვნახოთ ტროგირში? შუასაუკუნეების კედლებში ჩამალული, პაწია კუნძულზე გაშენებული ქალაქი საუკეთესო საშუალებაა ხალხმრავალი, ხმაურიან ქალაქებისგან თავდასაღწევად და ვიწრო, მოკირწყლულ ქუჩებში სასეირნოდ.  ერთი დღე სრულიად საკმარისია მთლიანად ქალაქის დასათვალიერებლად, მაგრამ ჩვენს გეგმებში ცვლილებების გამო, მოგვიწია ერთი ღამით დავრჩენილიყავით. რა ვნახოთ ტროგირში: ზღვის სანაპირო ქალაქში ჩასვლისთანავე ზედგამოჭრილი ამინდი დაგვხვდა ზღვის სანაპიროზე სასეირნოდ, ნავსადგურის ხედებით დასატკბობად და სურათების გადასაღებად. იქვე…

  • Things to do in Split
    ხორვატია

    8 რამ, რაც შეგიძლია გააკეთო ხორვატიის ქალაქ სპლიტში

    ადრიატიკის ზღვის სანაპიროზე მდებარე ქალაქი სპლიტი, რომელიც ხორვატიაში რიგით მეორეა სიდიდით, ანტიკური ხანის ისტორიული ღირსშესანიშნაობებით საკმაოდ მდიდარია. რა ვნახოთ სპლიტში? ერთ-ერთი საუკეთესო რამ, რაც აქ შეგიძლია გააკეთო სწორედ ძველი ქალაქის ქუჩებში ხეტიალი, მზიან ამინდში სანაპიროზე ჯდომა და ადგილობრივ ბაზრობებზე გავლაა. ჩვენ სულ რაღაც ორი დღე დავრჩით და ეს დრო სრულიად საკმარისია ქალაქის დასათვალიერებლად. თუმცა, იქიდან გამომდინარე თუ რისთვის ჩადიხარ აქ, შესაძლოა მეტი ხნითაც დარჩე. ეს ბლოგი საშუალებას მოგცემს ოდნავ უკეთ წარმოიდგინო თუ რისი დაგეგმვა შეიძლება ქალაქსა და მის შემოგარენში. როგორ მოვხვდეთ აქ სპლიტში მოხვედრა საკმაოდ მარტივია. ევროპის მთავარი ქალაქებიდან და ხორვატიის ნებისმიერი ქალაქიდან იაფიანი ფრენების გარდა, დადიან ავტობუსები და ბორნები. იტალიიდანაც კი შეგიძლია ბორნით სპლიტში ჩასვლა. ჩვენ მოგზაურობა დუბროვნიკიდან დავიწყეთ და…

  • Free things to do in Riga
    ლატვია,  სტუმრის პოსტი

    რა შეგიძლია ნახო რიგაში უფასოდ

    რიგაში დაგეგმილზე მეტი ხნით დარჩენის შემდეგ, ძალიან სწრაფად გავაანალიზე, რომ ეს ქალაქი ყველაზე მეტად შემიყვარდა ბალტიისპირეთის დედაქალაქებს შორის. ლატვიაში ადრე ზაფხულში ჩასულებს კარგი ამინდები დაგვხვდა, რამაც უფრო მეტად სასიამოვნო გახადა ჩვენი რიგაში მოგზაუობა. მაშ ასე, რა ვნახოთ რიგაში უფასოდ? ჩემს მოგონებებსა და შთაბეჭდილებებს სურნელივით თან დაჰყვება რიგის ძველი ქალაქის ყავის გადამდები კულტურა, ეკლესიების წაწვეტებული სახურავები და მოკირწყლული ქუჩები. თუმცა, როდესაც ევროპაში ვმოგზაურობთ, იქ არსებული მაღალი ფასები ბიუჯეტურ მოგზაურებს ხშირად დიდ ქალაქებსა და ანტიკურ, ძველ უბნებში დარჩენისგან თავის არიდებას გვაიძულებს. რა ვნახოთ რიგაში უფასოდ წინასწარგანწყობის საპირისპიროდ, ბალტიის რეგიონის ქვეყნებში მოგზაურობა სულაც არ არის იაფი და რიგის ძველი ქალაქის ზოგიერთი ატრაქცია, პირიქით – ძალიანაც ძვირია. თუმცა, ქალაქში მაინც არის რამდენიმე იაფიანი და…

  • ხორვატია

    დუბროვნიკის ძველი ქალაქი, ხორვატია

    დუბროვნიკი, ხორვატიის ერთ-ერთი ყველაზე პოპულარული კურორტია. მისი კარგად შემონახული ძველი ქალაქი 1979 წლიდან UNESCO-ს მსოფლიო მემკვიდრეობის ძეგლი  და ულამაზესი ქალაქია მთელს ქვეყანაში. დუბროვნიკის ძირითადი ღირსშესანიშნაობა ძველი ქალაქია, რომელიც შეიძლება პატარა მოგეჩვენოს, თუმცა არც ისე პატარაა. მოკლედ, გაინტერესებს რა ვნახოთ დუბროვნიკში? მაშინ, დავიწყოთ! წაიკითხე რამდენიმე რჩევა რაც უნდა იცოდე სანამ დუბროვნიკში იმოგზაურებ რა ვნახოთ დუბროვნიკში: პლაკა ან სტრადუნი დუბდოვნიკის ძველი ქალაქის მოსახლეობა, ქალაქში შესასვლელად ორ კარიბჭეს იყენებდა – პლოცე და პილე. ისინი მიწასთან, მოძრავი ხის ხიდებით იყო დაკავშირებული, ასე რომ ღამით, ქალაქში ვერავინ შევიდოდა. აღმოსავლეთ კარიბჭე პილე, ქალაქის მთავარ ქუჩაზე – სტრადუნზე გადის. 292 მეტრის სიგრძის ქუჩას ქალაქის მთავარ მოედანზე მიყავხარ. ონოფრიოს შადრევანი: პილეს კარიბჭესთან ახლოს მდებარე შადრევანი მე-15 საუკუნის ქალაქის წყალგაყვანილობის გამომგონებლის სახელს…

  • Things to do in athens on short time
    საბერძნეთი

    რამდენიმე საათი ათენში: რა ვნახოთ, ვჭამოთ და დავლიოთ

    რა ვნახოთ ათენში თუ დრო ცოტა გვაქვს? აქ სანახავი ადგილების სია საკმაოდ დიდია, მაგრამ ჩვენ სტამბოლიდან დუბროვნიკამდე ფრენებს შორის მხოლოდ რამდენიმე საათი გვქონდა, ამიტომ, ძალიან ტურისტული ადგილებისა და მუზეუმების გამოტოვება და ქალაქში ხეტიალი გადავწყვიტეთ. რა უნდა იცოდე სანამ ათენში ჩახვალ ყველა გადასახურდავებელი ჯიხური საკომისიოს იღებს. თუ ქვეყანაში დოლარით ჩადიხარ, იცოდე რომ გადახურდავებისას საკმაოდ ბევრ ფულს კარგავ. ჩემი შეცდომაც ეს იყო. დოლარში აღებული ხელფასი თბილისში ევროზე არ გადამიხურდავებია იმ იმედით, რომ იქაც მარტივად გადავახურდავებდი აეროპორტიდან ცენტრამდე ავტობუსის ბილეთი 6€ ღირს. ბარგის დატოვება აეროპორტშივე შეგიძლია სპეციალურ შემნახველ პუნქტში. ფასი საათის მიხედვით ანგარიშდება. ჩვენ ბარგი დაახლოებით 12 საათამდე პერიოდით დავტოვეთ და თითო ჩანთაში 8€ გადავიხადეთ. თანხის დაზოგვის მიზნით შეგიძლია ე.წ. Athens City Pass ბარათი…

  • უკრაინა

    რა ვნახოთ ლვოვში: ტოპ 8 საინტერესო ადგილი

    უკრაინის სხვა ქალაქებთან შედარებით ლვოვი ყველაზე მომხიბლავი ქალაქია. იგი არცერთ პოსტსაბჭოთა ქალაქს არ ჰგავს, რომელიც სხვა ქვეყანაში გინახავს. ლვოვი ფერადი და ძალიან ლამაზია! და მაინც, რა ვნახოთ ლვოვში? უკრაინის ეს ქალაქი ევროპის არც თუ ისე ცნობილი ‘მარგალიტია’. საუკუნოვანი ისტორიის მქონე ქალაქი, ძალიან ბევრი საინტერესო ღირსშესანიშნავი ადგილით ამაყობს. აქ ნახავ აღმოსავლური და დასავლური კულტურის უნიკალურ კომბინაციას. ქალაქს სახელი ‘ლვოვი’ თურმე, გალიჩია-ვოლინიას მმართველ დანიელ გალიჩიას პირველი ვაჟის, ლეოს, საპატივცემულოდ  დაარქვეს. საკვირველია ის, რომ ლვოვის ისტორიული ცენტრი, ანტიკური შენობები და ვიწრო ქვაფენილიანი ქუჩები გერმანიისა და საბჭოთა ოკუპაციას, მეორე მსოფლიო ომს გადაურჩა და დღეს რასაც აქ ნახავ, პირვანდელ სახეს ატარებს. ლვოვის ღირსშესანიშნაობები მიუხედავად იმისა, რომ ქალაქი საკმაოდ დიდია, ორი დღე სავსებით საკმარისია ყველა ღირსშესანიშნავი…

  • პოლონეთი

    ტოპ 6 ადგილი, რომელიც კრაკოვში უნდა ნახო

    გოთიკური ქალაქი კრაკოვი, პოლონეთის სამეფოს დედაქალაქი იყო ვარშავამდე.  ისტორიულად იგი ქვეყნის წამყვანი სამეცნიერო, კულტურულ და ხელოვნების ცენტრად მიიჩნევა. კრაკოვის არსებობა ქვის ხანის დროიდან თარიღდება, შუა საუკუნეები კი აქ ოქროს ხანადაა მიჩნეული, რაც მის ქუჩებში სიარულისას ძალიან იგრძნობა. ქალაქს უქმეებზე ვეწვიე და სამწუხაროდ მისი დათვალიერება და გაცნობა კარგად ვერ მოვახერხე. თუმცა მთავარი ღისშესანიშნავი ადგილები მაინც დავათვალიერე. ტოპ 6 ადგილი რომელიც კრაკოვში უნდა ნახო პოლონეთის სხვა ქალაქებისგან განსხვავებით, კრაკოვი მეორე მსოფლიო ომის დროს ნაკლებად დაზიანდა. ამიტომ ქალაქის თავდაპირველი იერსახე კარგად არის შენარჩუნებული. ქალაქის დასათვალიერებლად ყველაზე კარგი საშუალება ფეხით სიარულია. აქ ყველაფერი ძალიან ახლოსაა ერთმანეთთან, ასე რომ ტრანსპორტში პრაქტიკულად ფული არ დაგეხარჯებათ. ჩამოჯექი ბაზრის მოედანზე მონღოლთა შემოჭრის შემდეგ, 1257 წელს აშენებული მოედანი მინიმუმ 100…

  • თურქეთი

    რა ვნახოთ სტამბოლში თუ დრო ცოტა გვაქვს?

    სტამბოლში ორჯერ პრეს ტურზე და ერთხელ ფრენებს შორის დიდხნიანი გაჩერების გამო ვარ ნამყოფი. სტამბოლის ღირსშესანიშნავი ადგილები უამრავია, და როგორც ჩემი მეუღლე, ოთო, მეუბნება (ოთო სტამბოლში რამდენიმე თვე ცხოვრობდა), ქალაქის ბოლომდე აღსაქმელად მინიმუმ ორი კვირა გჭრდება. მაინც რა ვნახოთ სტამბოლში? სტამბოლი ცენტრალური ქალაქია მათთვის ვინც დასავლეთიდან აღმოსავლეთისკენ მგზავრობს, ან პირიქით. ხშირად, ფრენებს შორის დიდი დროა და სტამბოლის ნახვასაც ვახერხვებთ. ამიტომ, ნუ გაჩერდები აეროპორტში. ქალაქის მონახულებაში კი ეს სტამბოლის გზამკვლევი დაგეხმარება. ბორანი სტამბოლში მოგზაურობის აუცილებელი ნაწილია. იგი არა მხოლოდ სატრანსპორტო საშუალებაა, რომელიც ერთი ადგილიდან მეორეში მიგიყვანს, არამედ იგი სტამბოლის ერთ-ერთი ღირშესანიშნაობად ითვლება. სრული ეფექტისთვის ტიტის ფორმის ჭიქაში ჩამოსხმული ჩაი და ყველის გემრიელი სენდვიჩი ბორანზე აუცილებლად უნდა გასინჯო. იაფი ფრენები სტამბოლისკენ  როდის წავიდეთ…

  • Things to do in Nicosia
    კვიპროსი

    ჩრდილოეთ კვიპროსი: ნაკლებად ცნობილი და იაფი მიმართულება

    ჩრდილოეთ კვიპროსი საერთაშორისო სამართლით არაღიარებული სახელმწიფოა. მას დე-ფაქტოდ მხოლოდ თურქეთი და აზერბაიჯანი აღიარებს. ქართველებისთვის აქ მოხვედრა ისეთივე იოლია როგორც თურქეთში მოგზაურობა. თუ თურქეთის კურორტები მოგბეზრდა და იაფად სხვა ადგილების მონახულება მოგინდა, ჩრდილოეთ კვიპროსს შემოგთავაზებ. აქ სანახავი ბევრია, სეზონი ოქტომბრის ბოლომდეა და დასაბინავებლად არჩევანიც საკმაოდ მრავალფეროვანია. 1974 წელს, თურქეთის მიერ ოკუპაციის შემდეგ, კუნძული ორ ნაწილადაა გაყოფილი. ბუფერული ზონა, რომელიც გაერთიანებული ერების ორგანიზაციის კონტროლის ქვეშაა, ჩრდილოეთ კვიპროსიდან იწყება და ვრცელდება კუნძულის დანარჩენ ტერიტორიაზე. ბუფერული ზონა დედაქალაქ ნიქოზიაზეც (ანუ კირენია), როგორც მას თურქები უწოდებენ) გადის და მას ორ ნაწილად ყოფს. შესაბამისად, იგი ორივე სახელმწიფოს დედაქალაქად ითვლება. ჩრდილოეთ კვიპროსმა დამოუკიდებლობა 1983 წელს გამოაცხადა. თუმცა იმის გამო, რომ მის დამოუკიდებლობას მსოფლიო არ აღიარებს, კუნძულის ეს…

  • ნეპალი

    რა ვნახოთ პოხარაში, ნეპალი

    31 ოქტომბერია, დილის 5 საათი. თავს ძალას ვატან, რომ გამოვფხიზლდე. წინ დიდი გზა გველის. დღეს პოხარაში მივდივართ, კატმანდუდან 200 კმ-ში. ამჯერად, სამნი ვმოგზაურობთ. შვედი გოგონა, სახელად ალმა, ჰოსტელში გავიცანით და ჩვენთან ერთად მოგზაურობა შევთავაზეთ. ნელ-ნელა ვბარგდებით და ავტობუსის გაჩერებისკენ მივდივართ. უკვე 6:15 წუთია და ქალაქი ადგილობრივებითაა სავსეა. ავტობუსები ერთ მწკრივშია ჩალაგებული. ჩვენსას ვპოულობთ და ადგილებს ვიკავებთ. 7 საათზე გავდივართ. ახლა უფრო ადვილია დაბინძურებული ჰაერის დანახვა. თავიდან ცაში ასული მტვერი დილის ნისლიც კი მეგონა. გზა ძალიან ვიწრო, მიხვეულ-მოხვეული და ორმოებით სავსეა. ვერ ვიძინებ. პატარა გაჩერებაზე მარიამმა ბანანის ყიდვა გადაწყვიტა. ავტობუსში დაბრუნებულს, შეცბუნებული სახე აქვს და მეუბნება, რომ ხუთ ცალ ბანანში 40 რუპია (დაახ. 40 ცენტი) გადაიხადა. „არა უშავს, გუშინ 30 გადავიხადე“,…

error: Content is protected !!